Skúlastýrisfundur 13. Mars 2025 kl 16.30 
 
Møtt eru: 
Jákup S. Jónesarsson,Anja Haldansen, Magnus D. Madsen, Fríðunn Vestergaard, Jona Seloy, Durita Danielsen, Kristianna Vinniedóttir var við á Messenger vegna sjúku. 
Frá kommununi vóru Sára Jógvansdóttir borgarstjóri, og Rúna Koba skrivari. 
 
Á skránni var: Status á skúlabygging. 
Forkvinnan byrjaði við at bjóða vælkomin, og kunna nýggja bygdaráðið um, at skúlastýrið ynskir at hava hendan fundin í øllum førum einaferð um árið saman við borgarstjóra og trivnaðarnevndini, og tað vóru tey sjálvandi við uppá. 
Við tí fyri eyga at kunna um, hvat rørir seg í samband við skúlabygging nú tað verður eitt stórt evni nógv ár framyvir. Og hvat annars hendir bæði á skúlans síðu og hjá kommununi, hvat viðvíkur Vestmanna Skúla. 
Sára legði út við at greiða frá, at tað er komið so langt nú, at prosjekeringin verður næsta stig.  Hon greiðir frá, at tey stíla ímóti, at sjálvt arbeiði við umvælingini byrjar í 2026, og byrjað verður við bygninginum frá 60´inum, tí hann er í ringasta standi. Væntað verður, at hettar arbeiðið kemur at taka 6-8 ár frá byrjan til enda. 
Tekningarnar vóru vístar fyri teimum, sum ikki hava sæð tær áður, og tey vóru Magnus og Fríðunn. 
Eisini greiddu tey frá, at nakrar broytingar vóru gjørdar síðan tekningarnar vóru vístar fyri starvsfólki skúlans herfyri, og tað var millum annað, at fleiri WC verða gjørd, tónleika stovan verður størri o.a. 
Spurningur kom frá skúlastýrinum um tey vóru komin nærri einari loysn, hvussu skal gerast í mun til skúlastovur o.a. ímeðan arbeiðið fer fram. 
Svarið var, at tey í samráð við skúlastjóranum finna ta bestu loysnina, so bæði næmingar og starvsfólk koma at tað hava tað sum best, ímeðan alt arbeiðið fer fram, bæði í mun til komfort, larm og sosialar umstøður. 
Fundur lokin kl 18.30