Undan páskafrítíðini hevur Vestmana bókasavn skipað fyri lesikapping, har vinningurin var eitt páskaregg.

Fyri at vera við í kappingini skuldi man lesa eina gula bók, og fylla út ein gulan páskaeggjaseðil við kunning um bókina - fleiri bøkur tú las - tess størri gjørdist møguleikin at vinna páskareggið.

Í dag varð drigið millum allar teir gulu seðlarnar - 123 í tali - og vinnarin varð funnin.

Fríði Joensen úr øðrum flokki gjørdist vinnari av páskaregginum, og bókin, hann hevði lisið, var Fergus: Barnaby fer at ferðast. Hann hevði skrivað á seðilin, at bókin er góð, stuttlig og hugnalig.

Vit ynskja Fríða hjartaliga tillukku við vinninginum, og góðan lesihug framyvir.

Somuleiðis ynskja vit øllum góða páskafrítíð og gleðiligar páskir.