Í Vestmanna skúla hava vit tvey føstulávintshald. Í Frammibø skipa næmingarnir fyri føstulávintsveitslu í vikuni undan føstulávint. 7. flokkur stendur fyri pottasláing, 8. stendur fyri prýði og mati, meðan 9. flokkur skrivar og heldur eina røðu um føstulávint. Vit plaga eisini at kvøða,og í ár var einki undantak.

Vit høvdu eina frálíka veitslu, sum næmingar og lærarar vóru sera glað fyri. Vakrastu grýlurnar vórðu eisini kosnar, tað vóru tveir álvar úr 7. flokki, og lærarin Durita vann hieðurin stuttligasta grýla, ílatin sum ein fitt eldri kona.

Á Kongsteigum halda vit føstulávint, á føstulávintsmánadegi. Næmingar og lærarar møta grýluklæddir í skúla, og hava eina løtu saman í flokkunum. 3. tíma hittust øll aftur at hoyra um føstulávint og føstusiðir.

Síðani fóru vit undir at kvøða, og stuttligast av øllum var at nakrir næmingar byrjaðu at kvøða Veðratáttin, sum ikki hevur verið á skrá í vetur - tað var óføra stuttligt.

Bestu grýlurnar vóru sjálvandi eisini kosnar.

Ein álvur og eitt fjørutrøll úr øðrum flokki vóru vakrasta og óhugnaligasta grýla, og ein Warhammerfigurur úr 3. flokki vann heiðurin sum mest kreativa grýla.