Grunddeild skipaði fyri litríkari sambaskrúðgongu, har næmingarnir vóru ílætnir festlig og litrík klæði, og settu rættan veitsludám á við heimagjørdum shakarum og bongotrummum. Heilt fitt av fólki var savnað at uppliva hesa stuttligu skrúðgongu.

Mið- og hádeild skipaðu fyri áhugaverdari fugla-, grót og steinaframsýning. Tey høvdu skrivað lærurík uppsløg um framsýningarlutirnar, sum gav teimum mongu vitjandi innlit í bæði jarðfrøði og fuglaheimin.

Til framsýningina varð skipað fyri eini kapping. Tey vitjandi kundu svara spurningum um fuglar og grót og á tann hátt vera við í lutakastinum um tveir ferðaseðlar við Sjóferðum undir Vestmannabjørgini.

Hepni Vinnarin var Ann-Mari Egholm. Vit ynskja henni hjartaliga tillukku.

Vestmannadagarnir eru av á hesum sinni, og vit gleða okkum longu til næsta ár.