Vit byrjaðu við eini upphiting. Sarita saman við gentum úr 6. flokki, legði lag á. So fór startskotið. Næmingarnir fóru hugagóðir avstað, og lærararnir við. Á leiðini fingu teir ein sjokolátapunt at styrkja seg við, og tá teir komu aftur í skúlan, súrepli og saft.

Ein deiligur dagur uttanfyri skúlastovurnar, har børn og vaksin fingu høvi at røra seg, práta og uppliva náttúruna uttanfyri bygdina. Stuttligast var at síggja hvussu eldru næmingarnir hjálptu og stuðlaðu teim yngru á leiðini.

Allan í 5. flokki rann longst – heili 22,5 km. 5. flokkur var eisini flokkurin, har næmingarnir í miðal runnu flestar km, 11,83.

Lærararnir runnu í miðal 9,55 km.

Tls. runnu vit 1542 km, í miðal 10,01 km í part.