Summir flokkar hava eisini arbeitt við yrkingum, og aðrir við myndunum hjá Martini, vit hava hangandi her í skúlanum. Arbeiðið hevur gingið væl og næmingarnir eru hugtiknir av listini.

Vit hava sungið:

• Ró
• Kyss ein eingil hvønn morgun
• Morgun
• Vestmannakvøðu
• Leygarkvøld í Havn

Serliga vakurt er at hoyra næmingarnar syngja Vestmannakvøðu, sum lýsir bygdina ótrúliga væl.

Vit hava eisini tikið til okkum Til lukku frá mær, sum føðingardagssang í skúlanum.

Vit ynskja Martini Joensen hjartaliga til lukku við runda føðingardegnum, og takka fyri listina, hann ríkar okkum við.