Lesiringur hevur verið í Vestmanna skúla síðani á jólum. Næmingar í miðdeild, ið hava áhuga fyri at lesa, hittast 1 tíma um vikuna, har vit byrja við onkrum virksemi at minna næmingarnar á hvat er hent í bókini higartil. Tað kann t.d. vera "spáka og gáka", spurnarkapping ella vanligt prát. Síðani lesa næmingarnir tað, ið eftir er av tímanum.
Nú er farið undir at lesa aðru bókina, og hesaferð er tað Brennivargurin eftir Jógvani Isaksen.
Endamálið við lesiringinum er at eggja næmingunum at lesa og at skapa góðar lesiupplivingar.
Næmingarnir lata væl at og sita hugagóðir og lesa hvørja ferð.
7.flokkur hevur verið ein túr á Listasavninum. Tey sóu føstu sýningina og sluppu at lúra eftir várframsýningini, eftirsum tað vóru fleiri vestmenningar við. So var bowla fyri rest🙂
Vit hava í dag fingið eina forkunnuga gávu frá einum pápa. Talan er um ein lavastein úr gosinum á Reykjanesi í Íslandi, ið pápin hevur tikið við heim, tá ið hann hevur verið og hugt at gosinum.
Vit takka fyri forvitnisligu gávuna og umhugsnið.
Gossteinurin verður goymdur í okkara steingoymslu, har vit hava fleiri áhugaverdar steinar.
Virðisgrundarlag skúlans
Við virðing fyri tí einstaka og umhvørvinum, grundfest í bygdarmentanini, virkar skúlin fyri stimbrandi læru, skapanargleði og rørslu.