Í dag mánadag 25. mars hevur móðurmálsdagurin verið hildin í Vestmanna skúla.
Í framhaldsdeildini byrjaði dagurin við, at Jonhard Mikkelsen legði fram um V. U. Hammershaimb í sambandi við 200 ára føðingardag hansara.
Síðani fóru næmingar í bólkar, har arbeitt varð við ymiskum evnum, ið hava við móðurmálið at gera. Plakatir vóru gjørdar og fleiri frálíkar framløgur vóru.
Skúlakapping í tiltakinum "Flogbørn" hevur verið í Vestmanna í dag fyri 3. og 4. flokkar í Kollafjarða- og Vestmanna skúla.
Úrslitið varð at 3. fl. í Kollafirði vann kappingina fyri 3. fl. og 4. fl. í Vestmanna vann kappingina fyri 4. flokkar.
4. fl. í Vestmanna skúla fer sostatt víðari til føroyameistarakappingina fyri flogbørn, ið verður í Havn 26. mars.
SSP-bólkurin í økinum VEKS hevur tikið stig til at skipa fyri tiltakinum:
“Náttin er ung” fríggjakvøldið tann 22. mars á Eiði.
Vert er at undirstikað, at hetta er rúsfrítt tiltak, og at vit vilja savna góð minni saman😊
Við virðing fyri tí einstaka og umhvørvinum, grundfest í bygdarmentanini, virkar skúlin fyri stimbrandi læru, skapanargleði og rørslu.
