6. flokkur førdi í morgun fram leikin "Prinsessan, ið vildi giftast við nissuni" í auluni. Leikurin var fyri øllum skúlanum umframt útibarnagarðinum. Tey hava vant leikin síðani í novembur, og komu tey sera væl frá tí. Ein væl spældur og stuttligur leikur, ið eisini var væl fagnaður.
Í kvøld fara tey at framføra leikin fyri foreldrunum.
Familjufyrisitingin bjóðar børnum og ungum, hvørs foreldur ikki liva saman, í samrøðubólk.
Les meira um samrøðubólkarnar og hvussu barnið kann koma í ein samrøðubólk her.
Hósdagin 21. november vitjaði Steintór Rasmussen næmingarnar í innskúlingini. Hann hevði nógv ymist á skrá. Næmingarnir sluppa at syngja kendar sangir saman, læra nýggjar, royna seg við stoppdansi o.m.a.
Ein stak hugnalig løta.
Við virðing fyri tí einstaka og umhvørvinum, grundfest í bygdarmentanini, virkar skúlin fyri stimbrandi læru, skapanargleði og rørslu.
